🌺 ಇಲ್ಲಿವೆ ನೋಡಿ ಏಕಾಗ್ರತೆ ಹೆಚ್ಚಿಸುವ ಟಿಪ್ಸ್‌ಗಳು 🌺

🌺 ಇಲ್ಲಿವೆ ನೋಡಿ ಏಕಾಗ್ರತೆ ಹೆಚ್ಚಿಸುವ ಟಿಪ್ಸ್‌ಗಳು 🌺

ಬಹುತೇಕ ವಿದ್ಯಾರ್ಥಿಗಳನ್ನು ಕಾಡುವ ಸಾಮಾನ್ಯ ಸಮಸ್ಯೆ ಎಂದರೆ ಏಕಾಗ್ರತೆಯ ಕೊರತೆ. ಹಾಗಂತ ನೀವು ಮಾಡುವ ಕೆಲಸದ ಮೇಲೆ, ಓದುವ ವಿಷಯದ ಬಗ್ಗೆ ಏಕಾಗ್ರತೆ ಸಾಧಿಸುವುದು ಕಷ್ಟದ ಕೆಲಸವೇನಲ್ಲ. ಏಕಾಗ್ರತೆ ಬೆಳೆಸಿಕೊಳ್ಳಲು ಒಂದಿಷ್ಟು ಸಾಧನೆ ಅಗತ್ಯ ಜತೆಗೆ, ಆಸಕ್ತಿಯೂ ಮುಖ್ಯ.

👉 ಪರೀಕ್ಷೆಗೆ ಸಿದ್ಧತೆ

ಪರೀಕ್ಷೆಯ ಸಮಯ ಹತ್ತಿರ ಬರುತ್ತಿದೆ. ಎಷ್ಟು ಓದಿದರೂ ನೆನಪಿನಲ್ಲಿ ಉಳಿಯುವುದಿಲ್ಲ ಎಂಬುದು ಬಹುತೇಕ ವಿದ್ಯಾರ್ಥಿಗಳ ಸಮಸ್ಯೆ. ಇದಕ್ಕೆ ಕಾರಣ ಏಕಾಗ್ರತೆಯ ಕೊರತೆ. ಇದನ್ನು ನಿವಾರಿಸಲು ಇಲ್ಲಿದೆ ಕೆಲವು ಸಲಹೆ.

ಬಹುತೇಕ ವಿದ್ಯಾರ್ಥಿಗಳನ್ನು ಕಾಡುವ ಸಾಮಾನ್ಯ ಸಮಸ್ಯೆ ಎಂದರೆ ಏಕಾಗ್ರತೆಯ ಕೊರತೆ. ಹಾಗಂತ ನೀವು ಮಾಡುವ ಕೆಲಸದ ಮೇಲೆ, ಓದುವ ವಿಷಯದ ಬಗ್ಗೆ ಏಕಾಗ್ರತೆ ಸಾಧಿಸುವುದು ಕಷ್ಟದ ಕೆಲಸವೇನಲ್ಲ. ಏಕಾಗ್ರತೆ ಬೆಳೆಸಿಕೊಳ್ಳಲು ಒಂದಿಷ್ಟು ಸಾಧನೆ ಅಗತ್ಯ ಜತೆಗೆ, ಆಸಕ್ತಿಯೂ ಮುಖ್ಯ. ನಿಮ್ಮ ಏಕಾಗ್ರತೆ ಹೆಚ್ಚಿಸಿಕೊಳ್ಳಲು ನೆರವಾಗುವ ಒಂದಿಷ್ಟು ಸಲಹೆಗಳು ಇಲ್ಲಿವೆ.

🔴 ಪ್ರಶಾಂತ ಸ್ಥಳ 🔴

ನೀವು ಆಯ್ದುಕೊಳ್ಳುವ ವಾತಾವರಣ ಕೂಡ ನಿಮ್ಮ ಏಕಾಗ್ರತೆ ಮೇಲೆ ಪರಿಣಾಮ ಬೀರುತ್ತದೆ. ಆದ್ದರಿಂದ ಓದಿಗೆ ಆಯ್ಕೆ ಮಾಡಿಕೊಳ್ಳುವ ಜಾಗ ಪ್ರಶಾಂತವಾಗಿರಲಿ. ಗಾಳಿ, ಬೆಳಕು ಚೆನ್ನಾಗಿರಲಿ. ಆ ಜಾಗ ಟಿವಿ, ಕಂಪ್ಯೂಟರ್‌ನಂತಹ ಮನಸ್ಸನ್ನು ಆಕರ್ಷಿಸುವ ಸಂಗತಿಗಳಿಂದ ದೂರವಿರಲಿ. ದಿನವೂ ಅಲ್ಲೇ ಕುಳಿತು ಅಭ್ಯಾಸ ಮಾಡಿ.

🔴 ಸಕಾರಾತ್ಮರಕ ಮನೋಭಾವ 🔴

ಪುಸ್ತಕ ಹಿಡಿದುಕೊಂಡು ಬೇಡದ ಯೋಚನೆಗಳನ್ನು, ಋುಣಾತ್ಮಕ ಚಿಂತನೆಗಳನ್ನು ಮಾಡದಿರಿ. ಓದಲು ಆರಂಭಿಸುವ ಮುನ್ನ ಮನಸ್ಸು ಒತ್ತಡಮುಕ್ತವಾಗಿರಲಿ. ಇಂದು ಈ ಪಾಠವನ್ನು ಚೆನ್ನಾಗಿ ಕಲಿಯುತ್ತೇನೆ ಎಂಬ ಧನಾತ್ಮಕ ಛಲವಿರಲಿ.

🔴 ಒಂದೇ ಕೆಲಸ 🔴

ಓದುತ್ತಿದ್ದೀರಿ ಎಂದರೆ ಓದುವುದರ ಕಡೆ ಅಷ್ಟೇ ಗಮನಹರಿಸಿ. ಅದು ಬಿಟ್ಟು ಟಿವಿ ನೋಡುತ್ತ ಬರೆಯುವುದು, ಓದುತ್ತಲೇ ಚಾಟ್‌ ಮಾಡುವುದು ಹೀಗೆ ಮಾಡಿದರೆ ಮನಸ್ಸು ಚಂಚಲವಾಗುತ್ತದೆ. ಅಭ್ಯಾಸದಲ್ಲಿ ಏಕಾಗ್ರತೆ ಸಾಧಿಸಲು ಸಾಧ್ಯವಾಗುವುದೇ ಇಲ್ಲ. ಇದರ ಜತೆಗೆ ಸಮತೋಲಿತ ಆಹಾರ ಮತ್ತು ವ್ಯಾಯಾಮ ಏಕಾಗ್ರತೆ ಹೆಚ್ಚಿಸುವಲ್ಲಿ ಮುಖ್ಯ ಪಾತ್ರ ವಹಿಸುತ್ತವೆ. ಅಗತ್ಯ ಪೋಷಕಾಂಶಗಳ ಕೊರತೆ, ದಣಿವು ಹಾಗೂ ಆಲಸ್ಯಕ್ಕೆ ಕಾರಣವಾಗಬಹುದು. ಆದ್ದರಿಂದ ತಿನ್ನುವ ಆಹಾರದ ಬಗ್ಗೆ ಕಾಳಜಿ ವಹಿಸಿ. ಮನೆಯಲ್ಲೇ ಸರಳ ವ್ಯಾಯಾಮ, ಯೋಗ, ಧ್ಯಾನ ಮಾಡಿ. ಬುದ್ಧಿಯನ್ನು ಚುರುಕಾಗಿಸುವ ಆಟಗಳನ್ನು ಆಡಿ. ಸಮರ್ಪಕ ನಿದ್ದೆ ಮಾಡಿ.

🔴 ಅರ್ಥೈಸಿಕೊಳ್ಳುವುದು ಅಗತ್ಯ 🔴

ಯಾವುದೇ ಕೆಲಸ ಮಾಡುತ್ತಿರಿ ಅದರ ಬಗ್ಗೆ ಗೊಂದಲಗಳಿದ್ದರೆ, ಸಂದೇಹಗಳಿದ್ದರೆ ಏಕಾಗ್ರತೆ ವಹಿಸುವುದು ಕಷ್ಟವಾಗುತ್ತದೆ. ಅಧ್ಯಯನ ಮಾಡುವಾಗಲೂ ಹಾಗೆ. ಏನನ್ನು ಓದುತ್ತಿದ್ದಿರೋ ಅದನ್ನು ಅರ್ಥಮಾಡಿಕೊಳ್ಳಿ. ಸಂದೇಹಗಳಿದ್ದರೆ ಶಿಕ್ಷಕರ ಬಳಿ ಕೇಳಿ ಪರಿಹರಿಸಿಕೊಳ್ಳಿ. ವಿಳಂಬ ಪ್ರವೃತ್ತಿ, ಮುಂದೂಡುವ ಅಭ್ಯಾಸ ನಿಮ್ಮದಾಗಿದ್ದರೆ ಮೊದಲು ಅದನ್ನು ಬಿಟ್ಟುಬಿಡಿ.